WW INSIDE STUFF 3

TUESDAY﹕美國既日子過得係比香港快既﹐這點我和老婆都非常同意﹐車出車入﹐訓晏些少﹐已經過左半日﹐今日既行程係去鬼鬼的地方﹐即係AC﹐呢條路係我鐘意渣既其中一條公路之一﹐直﹐少車﹐唔太遠﹐岩我呢D唔用腦既人﹐好快黎到凱撒皇宮泊好車﹐就帶大嫂參觀一下各大賭場﹐呢D場所其實唔係好岩大嫂FEEL﹐大嫂係故事姐姐﹐故事姐姐係唔賭錢既﹐故事姐姐係教小朋友儲蓄既﹐只係飲紅酒架唧﹐不過一場黎到﹐當然要見識見識﹐萬一第時要轉行寫成人野咪唔識。

行去我都未去過既PIER MALL﹐好多名牌呀﹐價錢當然貴啦﹐根本同我既做人處世背道而馳﹐低價購入名牌呀﹐大佬。行出去觀景台﹐嘩﹐正囉﹐正合大嫂心意﹐真正既大西洋﹐廣闊﹐靚建築物﹐海就梗係岩我啦。

未見肚餓﹐繼續行街街﹐行去出面個OUTLET﹐其他商店都係無乜性趣了﹐記憶中﹐我在這間FOSSIL見過一D阿媽尼介指﹐款式同價錢都係便宜既﹐當時見到未有購買﹐今次有大嫂﹐意義特別唔同﹐一試之下﹐原來我地帶同一SIZE﹐買左兩對﹐一隻木做﹐一隻銀做既LORD OF THE RING喇。

做得文化界﹐點可以唔睇下書呢﹐帶拒去BORDERS OUTLET﹐原本想買四條友WIGGLES﹐但係後尾都係放棄左﹐行到餓喇﹐係時候食野﹐晨早已經預左去IMAX﹐所以就由木板街行過去TROPICANA﹐行左去入口﹐竟然重查我同大嫂牌﹐以為我地未夠秤。

去呢度既主要目的係IMAX﹐先去IMAX望下﹐原來NIGHT AT THE MUSEUM 做到月尾﹐發達囉﹐大嫂就係鐘意呢套﹐當然我都鐘意﹐妹我是真的喜歡這套的﹐經過精密計算既娛樂片王﹐時裝片。

去到幾間餐廳既門口﹐看看餐牌﹐無理由食中菜架﹐間烈寧餐廳又無人入﹐見到CARMINES﹐妹後來話係NY CHAIN STORE﹐我唔知照入﹐WE ARE THE FAMILY STYLE RESTAURANT﹐ BIG BIG SIZE﹐ ENOUGH FOR TWO PEOPLE﹐一黎到整兜麵飽點點下油先﹐唔飲可樂﹐叫左兩杯檸水﹐一支水﹐講真我覺得D檸水麻麻﹐因為唔夠甜﹐但係飲到係好新鮮﹐兩個海鮮之人﹐揀左個MIXED SEAFOOD意粉﹐唔要天使麵﹐因為似米粉多過意粉﹐一上桌即刻畢比老婆試味﹐我都唔輸蝕﹐食食食﹐係紅白汁之間揀左白酒汁﹐梗係﹐紅汁無技考既﹐SHOP RITE大把紅汁﹐一蚊一罌。食過後發覺真係相當唔錯﹐意粉軟稔適中﹐海鮮夠鮮﹐由其龍蝦唔痴殼﹐一整就成舊肉出﹐即係靚野囉﹐一間可以再去既餐廳。

晚飯過後時間尚早﹐周圍行下行下﹐大嫂想飲水﹐走左去一間假CITY SUPER﹐見到門口有雪糕賣﹐欲欲想試﹐因為有生果味﹐可能大嫂口味隨和﹐次次都揀中大家鐘意既味道﹐除左朱古力啦當然。食過之後﹐原來我食流質食物真係快過好多人的﹐起碼快過我老婆同阿媽啦。呢兩個食野好快而我又好錫既女性。重有就係PINEAPPLE係正過芒果既。

時間差唔多﹐係時候進場﹐以為做左咁耐無乜人﹐點鬼知多人到爆﹐好彩都揾到個唔差既位﹐一如我之前所講﹐一套經過精密計算既娛樂片王﹐唔會唔好睇既﹐又過一日了。