做野喇

沉日係好好玩既一日﹐晏晝同華頭落左黃埔參加復刻王KARAOKE比賽﹐落到去食少少野先﹐食左麥老狗﹐我要左D牛油粟曳同粟曳強﹐食完就行番過去比賽﹐已經有條人龍仔係到﹐問下前面條友係咪比賽啦﹐唔係好願答我﹐我後尾見到拒成頭頭皮﹐成身一朕臭味﹐雙眼合埋係度念GOR詞﹐就知道原來呢條友係痴線既﹐要我同D癲佬一齊唱﹐其實都幾侮辱﹐不過算啦﹐黎左。

後尾個癲佬無啦啦行開左同個加州紅經理講左幾句﹐原來識既﹐講完之後﹐排左我後面﹐係我前面既一位女士﹐憑外觀上亦都係有少少問題既﹐真係乜人都有﹐好快入到去喇﹐安排左去A組﹐華頭坐埋一邊﹐幫我影野﹐見到兩位評判﹐分別係喪DO男LEO同謝西加﹐一排排人就坐係台下﹐我前面有個打扮到成個葉童既女人係度﹐而台上就岩岩有條友係到唱我的天我的GOR﹐都唔夠氣﹐高音又去唔到﹐好渣下。

之後有個癲佬上場﹐係另一個﹐我見過拒既﹐參加過我既殘酷一鈴﹐我見過拒係新都會跳下跳下﹐上到台拒話拒要唱拒偶像張國寧既風繼續吹喎﹐嚇爆你為止﹐華頭講番﹐癲野經過拒面前同D靚仔講叫人比心機喎﹐之後班靚係係到笑。

之後有個男人唱陳百堂﹐唔惦﹐好緊張﹐女仔唱拿頭既心BLOOD來潮﹐麻麻。再之後有女仔唱葉倩人既情人知己﹐好好野呀﹐我覺得最惦。之後又有女仔唱原來你甚麼都不要﹐都OK。

問題黎喇﹐記得頭皮癲佬嗎﹐本來係我後面既﹐無啦啦行左去前面﹐我前兩個人既位到坐低﹐之後自己上台﹐播出黎既GOR唔係拒個首﹐梗係啦﹐拒JAM左人線嗎﹐拒企係度無得唱﹐打碟條友唔知係咪專燈玩拒﹐播左好耐都唔CUT﹐後面先播番拒首情深的一句﹐又係嚇爆人既﹐騎呢到極點﹐格黎D友開始笑﹐好似格黎既刀朗就係禁笑喇。我前面條友冤枉囉﹐比癲佬插GOR﹐癲佬唱完﹐再起GOR啦﹐嘩﹐到我喇﹐我話知你啦﹐沖上去架喇﹐我係A170一生不變﹐唱完有掌聲架﹐個十幾個男人最惦我架喇﹐其他唔知啦﹐一山還有一山高既﹐呢個世界。