星期六

星期六﹐四日三夜其實最尾玩個日就係第三日﹐今日都係七點幾起身ALL 完督C﹐就落去食早餐喇﹐今日安排左坐係班港友隔黎﹐望下今日D野食﹐又係昨日個D﹐我重以為會改少少添﹐突然懷念PATHUMWAN PRINCESS D早餐添﹐人地真係每日有少少分別﹐因為昨晚無食晚飯﹐今朝可以食好多野﹐今日食飽之後無再訓喇﹐因為要去翟度翟市場。

著番晒D短打就出發﹐搭BTS去到MO CHIT站落車跟住人群就會去到。成個場好然大﹐但無冷氣﹐室內﹐今日帶晒超﹐遮﹐水﹐去到打左個電話比老母現場報導﹐之後周圍體野﹐古著﹐女裝﹐家品乜鬼都有﹐華強就買左D泰裝﹐都唔錯﹐我問過D軍褲﹐貴到死﹐我乜都無買過。淨係ALL過一次NEW﹐比左兩匹﹐飲過罐可樂﹐望過下D食物﹐經過檔野覺得好然熱﹐我點會敢食﹐你估我唔驚賴野﹐禁熱都食唔到喇。終於行左三個鐘﹐我好累﹐叫走。

搭BTS去番SIAM MBK﹐想去番作日經過既FOOD COURT﹐好難找﹐唔記得邊層﹐後尾都找到﹐華強熱到無胃口﹐我都唔知幾好口﹐乜都想食﹐FOOD COURT採取買票換食物型式﹐食左碟海南雞﹐肉圓米﹐三個椰青﹐一兜肚痛冰﹐都係幾廾皮﹐我最鐘意食呢度﹐可以任我叫﹐任食。食完華強想再買D野﹐又褲又鞋﹐大出BLOOD。

成個GRAVIS背囊又爆晒﹐又係要番去酒店休息下﹐望下落泳池﹐已經多人到爆了﹐唔會再落去游。訓一陣﹐夜晚最後一夜黎料。

六點幾落樓﹐去左新時代廣場﹐叫做新﹐其實舊到街街﹐成個場都無乜鋪頭﹐得間REPLAY﹐又貴又渣﹐過左對面ROBINSON百貨﹐D女最鐘意係泰國買胸圍﹐華強終於見識過﹐但拒無MOOD買。肚餓﹐要食飯﹐見到間韓燒都有D客路﹐即管試試﹐要左個牛同一個豬﹐一杯參茶﹐一支百事﹐泰妹幫我地燒埋﹐華強狀甚懷疑﹐因為拒未試過有人燒埋。呢餐野又真係幾好食呀﹐我非常滿意。

飯後落下面個夜市行左一陣﹐有人記既出現﹐又有溜人體女子十八般舞藝真人蘇既人﹐賣D野就唔多吸引﹐所以都係番酒店﹐沿途番去見到條死黑鬼揪人水﹐華強本來行係我前面﹐我即刻行番前面頂住﹐第三日完。