賣野

最近利用EBAY賣左幾件我以前既玩具﹐波鞋﹐搞到我個櫃清番晒﹐遲D又可以再買過﹐老豆同阿媽講起我由細到大﹐都係鐘意收埋收埋自己既物質﹐有人黎我屋企玩﹐我總會收鬼番埋我D靚野﹐淨係留番幾件係到供人把玩﹐細個既時候我表哥黎到我屋企話無野玩﹐重話要耷我添。呢種性格﹐我到而家都係﹐因為經驗話比我知﹐當我借野比人﹐人地就會好唔小心﹐整到我D野花晒﹐或者爛添﹐我作為一個完美主義者﹐實在接受唔到我D野熔熔爛爛。最近我終於覺得自己多年既堅持係無錯既﹐如果我唔係禁鬼緊張﹐瀾巴閉禁(阿菜詩話我)﹐我D舊玩具點可以叫高D價呢。(笑)