名牌字典
今日想講下POLO﹐唔係歷史呀下﹐因為太多人寫過﹐講下個人經歷遮﹐而家係美國買POLO當然唔係咩一會事啦﹐就街都係﹐正價既有﹐平價既亦都有﹐惜隨專便﹐係美國買重唔使擔心假貨添﹐但係早係十幾年前既香港就唔同講法啦﹐我應該係中三識呢個牌子既﹐首先係見到我有個格黎鄰舍著先既﹐見拒件野有隻馬仔打馬球﹐幾得意喎﹐唔知係貴野﹐之後見到電視D藝員又著﹐開始知道係貴野啦﹐之後行三越百貨公司﹐見到拒有個COUNTER賣添﹐走埋睇下啦﹐嘩﹐幾舊水一件架喎﹐老豆係捨得之人﹐臨近聖誕終於買左一人一件父子裝﹐間條長袖POLO SHIRT唔同顏色﹐SALES姐姐混洋蔥紙包住﹐之後擺落個藍色有隻金馬係度既POLO袋﹐分外高貴。是為一生第一件POLO。 有一次我個格黎鄰舍就縷我老豆阿媽去買POLO啦﹐無啦啦縷﹐緊係有筍野先介紹啦﹐原來係開倉﹐個時無而家咁多架﹐而家個D有少少混笨﹐個次係真正既開倉﹐因為真係有廠係香港做﹐上到去已經CREAM頭﹐華頭湧湧喇﹐D OL有理無理唔岩都立住先架啦﹐有D款重係無隻馬既添﹐真係著左都唔知呀﹐D人都照買。個期又係既﹐個個都混到下錢﹐有錢自不然身痕。多人著就係番梘商做野既時候啦﹐旺角既菜街檔口﹐紅磡黃埔﹐銅鑼灣﹐好多地鐵站口都係D小販出沒既地方﹐清一色做長﹐短袖POLO SHIRT﹐SHIRT衫﹐100三件﹐各色其式﹐應有盡有﹐有D隻馬重好假既添。
天生美國購物狂
每一次就黎開學呀﹐聖誕呀﹐都係美國既消費旺季﹐見到D細路同老豆阿媽係D公司到係咁買﹐我見到會好好笑﹐因為真係好誇個隻﹐開學買簿﹐D鬼仔鬼妹會買好多﹐成幢成幢咁﹐DADDY I WANT THAT﹖ I WANT THIS﹐D父母又鬼咁種(錫)D細路喎﹐通常任拒地買。都唔知用唔用得晒﹐應該都用唔晒。大個啦﹐去宿舍住﹐每次番DORM都會買一大渣新野﹐乜鬼都有。舊左又唔用啦D野。比我就一定唔會咁做啦﹐呢D係咪浪費呢﹖唔浪美國D經濟又點會咁好﹐個個好似我咁就死啦﹐又要平又要名牌﹐D公司執鬼晒啦。但係有時又唔同講法呀﹐你個樣野真係值呢﹐咁我又多多都捨得比﹐幾鬼矛盾呢﹐你問我點為之值呢﹖買野都係主觀架啦。又好似好多人去食飯咁﹐叫到成臺野﹐兩條友﹐實食唔晒架啦﹐全臺野擺番係到咁濟﹐我就好鬼慶﹐緊係啦﹐浪費食物喎﹐我食飯都唔浪費既﹐幾難食都會食晒碟野﹐除非係臭架啦。好在係美國食飯﹐食淨料都好興包走遮。
悠長暑假
對我黎講一D都唔長﹐唔夠添﹐日日做到無停手﹐又話到番學時候﹐來去沖沖﹐快過打針﹐去左幾次ZOO YORK同埋游過一次水之外﹐都無乜野做過﹐肥仔又囉唔到飛去六旗。稔稔下今日岩岩係我作文一周年記念﹐證明我重係熱愛作文﹐無變過。上禮拜五晚夜媽媽番到黎﹐可能因為小弟講笑講得太興奮﹐嘈左幾個星期既笑話一次過講晒﹐搞到番到黎之後﹐心情重未能平伏﹐但係第二朝又要開工﹐所以都唔敢搞離搞路﹐訓唔著都訓係床度。今日終於番SIR啦﹐見番班友仔﹐狗遺了賣飯的韓國佬﹐我買完重走上去混我鬼佬國語老師吹水添﹐聽拒吹下拒番大陸D野。整番幾首靚歌﹐搞惦埋D文件。夜晚去到強人街買菜﹐鐘記老板重問我番學未添﹐我都無講過話我係番學既﹐拒又知。一番到黎﹐見到個個MSN D人名都變左乜頭物頭﹐多謝大家既支持﹐我會努力﹐重有三個月。
情懷洛杉磯
第一次去加州已經講番去1990年既事啦﹐當年我重咩住個水壺﹐著條好短既短打﹐唔係及膝個隻﹐稱唔上潮﹐就跟老豆阿媽黎美國啦﹐唔係移民呀﹐玩渣﹐搭飛機既時候﹐真係好鬼辛苦﹐訓又訓唔到﹐因為個種烏烏聲好難頂﹐坐又唔係﹐食又唔係﹐快面又乾﹐又唔敢飲太多水﹐費是去廁﹐當年D飛機又無自己既MON仔係個位到﹐我著著條短打又覺得張飛機凳好鬼污糟﹐坐落痕痕地咁﹐真係陰公。去到洛杉磯﹐人生路不熟﹐一落機就覺得美國真係大﹐我盲字都唔識多個﹐緊係跟鬼住老豆阿媽啦。無車無人識﹐唯有自己三仔拿搭SHUTTLE﹐架野係咁逼D人上黎﹐D人又肥喎﹐再加埋D行李﹐燉足個幾鐘先到MOTEL SIX﹐係真係MOTEL渣﹐唔係HOTEL﹐比人昆左﹐以為大酒店﹐去到好失望。見到個牌FREE BREAKFAST稔住第二朝有好野食啦﹐留肚啦﹐點知原來係LOBBY擺部咖啡機同埋擺盒DONUT係度﹐食啦食啦。我無食呀﹐呢類甜野唔岩我。終於行去格黎個AM PM油站食熱狗﹐個人當堂舒服番晒。好野終於有得玩啦﹐迪士尼樂園呀﹐男仔之家對D精品都係無乜興趣﹐唯有玩機動就最實際﹐STAR TOURS﹐星戰野﹐嘩﹐好玩到丫﹐咁大個仔都未玩過D咁新奇既野既。冰山過山車﹐淨係見到個冰山就已經鐘意到爆啦。重有我好耐之前題過下既MICHEAL JACKSON立體電影﹐又真又似﹐個誣婆R下R下咁﹐D手指好似督到我快面﹐嚇死我。跟D 本地TOUR 去環球片場﹐途經LA DOWNTOWN﹐比你落下車影相﹐D鋪頭有奧斯卡D假獎賣。個時岩岩睇過布斯既DIE HARD﹐鐘意到爆﹐阿媽重幫我問個導遊姐姐幢大廈係邊添。我成世人都比D西片燻掏﹐D野入晒腦﹐除左DIE HARD之外﹐都好鐘意回到未來﹐咁去到環球片場就緊係岩我玩啦﹐衰然個時唔知班鬼佬講乜﹐但係見到個鐘樓佈景﹐就已經興奮到雲啦。其後既一日﹐我地經過一個叫做NOTTS BERRY FARM﹐諾士裨梨樂園﹐係D SNOOPY野既樂園﹐無入去玩。但係好幾年後﹐見到梁詠琪都去過﹐重係個度拍左個MV添﹐而個隻歌就係我好鐘意既“你愛咖啡 低調的感覺”膽小鬼啦。每一次聽到都稔番係個個地方架﹐所以有時鐘意一首歌﹐就係因為拒能夠帶比你好多美好既回憶。
神秘顧客
做緊一間SHIPPING公司既時候﹐某日忽然有條友仔打黎問我有無性趣做電話公司﹐出幾錢幾錢﹐其實已經見左份工好耐好耐﹐可能請唔到人﹐嘩﹐囉命咩﹐身邊咁多耳目﹐老板﹐叫我點答你呀﹐去廁所講都會撞到人﹐唯有同拒講﹐我遲D覆拒啦。終於條路都係我自己揀既﹐因為時間好好多﹐人工重﹐哈哈哈哈。做過零售對客既朋友﹐可能都會知道或者遇過神秘顧客呢樣野﹐即係黎CHECK下你班友做成點既一班臥底﹐你唔會見過拒地﹐又唔知拒地幾時會黎﹐當拒地完成任務之後拒地就會出份REPORT。當年階階未入主既年代﹐我就每個月都會遇到呢班人﹐當我每日坐係個收銀處既時候﹐就會打醒十二分精神﹐務求張呢班友混出黎。做得呢班神秘顧客﹐質數當然有參差﹐有D一眼就知道﹐好渣﹐有D又做得好認真﹐估拒唔到。有D又鬼咁多問題問你﹐扮客﹐問到你唔耐煩之後你就大劑。所以時時都要戒備﹐唔係冷不防就會中蕉。我好慶幸有一班醒目既師奶兵團做同事﹐再加上出面做SALES既一班靚仔靚女﹐邊個見到﹐或者覺得有任何唔對路﹐都會即刻用INTERCOM話比全世界知要小心﹐之後全部人就會大動作﹐笑口噬噬﹐服務非常落力﹐非常咁假﹐非常刺激好玩。但係好玩歸好玩﹐我都唔小心中過兩次蕉﹐兩次都係話我無笑容﹐口黑面黑﹐重形容我為一個高高瘦瘦唔識笑既男職員﹐成個收銀處得一個男丁﹐實係我啦﹐無得賴﹐咁人地天生黑家嗎﹐漂白咩﹐至於話唔笑﹐唔通無啦啦傻笑咩﹐講笑我就識。做服務員當然有一SET OFFICIAL 既對白每次要講啦﹐“早晨﹐交費請埋便”﹐就係每個岩岩入去做既新仔必經之路﹐棟係門口係到講講講﹐講足成日﹐未必個個頂得順。做得收費處﹐你既誠信亦係好重要﹐緊係﹐真金白銀過你手喎﹐遇到有D監首自盜既人咪大鑊﹐小心D都係正常既﹐我終於做左三日﹐“早晨﹐交費請埋便”﹐之後先第一次真正去到我工作剛位。待續。。。
GMC
GMC出售的巨型豪華流動van在美國很受歡迎，好多家庭愛佢穿州過省，但中國人並不嚮往自己駕駛去旅行，加上GMC 的售價要成$70萬結果，拍攝時counter 較冷清。
依然范特西
亞洲天王-周杰倫, 2006年全新大碟將於9月8日全球發行. 特別預購版加送巨型Jay Chou超靚海報 一張海報包含4個不同造型. 更以特製精美膠筒包裝, 極具收藏價值
P990
電話呢味野對我黎講﹐唔使太花巧﹐最緊要打出打入夠清晰﹐舊電用得長﹐個款唔係太差﹐唔好咁膠﹐0機價咁就岩我胃口架啦﹐用幾千蚊買部﹐就唔好搞阿叔囉。
WHITE CASTLE
有無聽過呀﹐無都正常既﹐真係唔出名﹐早一兩年前係73NORHT都重有﹐而家執晒啦﹐同拒真係識於微時架﹐1990年﹐第一次黎美國﹐去到中部密蘇里州ST LOUIS﹐親戚帶去食既﹐一間平價漢堡店﹐飽仔細細﹐次次要食幾個既﹐買點係D飽好新鮮﹐即煎﹐見到廚房。同麥狗另一條路線。點解講起﹐因為前兩日有人請過我食﹐間野變左型﹐係超市賣﹐邊左雪藏野。有機會可以試試。
麥狗的玩具
呢兩舊野太耐世紀啦﹐唔知幾時架呢﹐ 個BIG MAC係可以拆得開﹐舊雪糕就係刷膠細路仔有邊個唔鐘意鄧英敏ENGLISH TANG架﹐鄧上文老豆呀﹐麥狗叔叔拒扮架嗎﹐狗唔狗出D玩具引細路﹐個個都試過求其食兩啖飽﹐就淨係掛住玩舊野既日子架啦﹐醉翁之意不在酒﹐細個去開既麥狗其實來來去去得個幾間﹐彌敦道麗聲戲院對面個間上樓鋪啦﹐即係始創對面啦。另一間就係沙田新城市啦﹐個間野入過世界記錄架﹐因為係全世界最煩忙既麥狗之一﹐間鋪中間又整左條火車卡位喎﹐頂鬼住晒D人﹐搞到水洩不通。淺水灣好耐好耐個間都好有特色﹐因為有條船既卡位係中間﹐重拍過經典麥狗廣告﹐故事係講一個有D似我表弟既細路叫野食﹐之後講完一大輪食物之後﹐話比拒姐姐。人大左咪又係去麥狗﹐中學考完試呀﹐朝早十點幾無定去呀﹐就走去坐架啦﹐之後格黎過幾台又緊係會有D死飛仔係到BROMINE呀﹐D飛女著住條校服裙又坐到鬼咁衰咁呀﹐非常公式化既情節。
好啦再後期啦﹐玩換野啦﹐SNOOP DOG﹐即係SNOOPY﹐HELLO KITTY啦﹐為左博紅顏一笑﹐傻男個個諗盡辦法﹐扭盡七壬黎換野啦﹐我都試過﹐重以為自己好醒目啦﹐人面廣﹐識窿路唔使食野﹐齌換﹐重可以話我排隊換架﹐幾有誠意呀﹐到頭來﹐完來紅顏根本唔鐘意HELLO KITTY既﹐原來傻男我先係﹐真係人算不如比番麥狗算。
Q 板劉華
Q 板劉華買左成十幾年囉﹐當年係劉華演唱會既記念品﹐咁鬼得意﹐聰明既商人緊會把握商機整多D啦﹐就係咁當年係沙田中心間文具鋪見到﹐就買左番黎啦﹐成廿幾蚊隻架都﹐一睇就知我對D物質幾好啦﹐保存得幾好﹐新既一樣。
樣
做邊行都有個樣既﹐好似的士佬有個樣﹐古惑仔有個樣﹐做明星都有個樣﹐個D就係入型入格﹐以前係粉嶺有個缽仔羔佬﹐成個缽仔羔咁樣既﹐呢D咪入型入格囉﹐幾好生意呀。今晚係銀泉食飯見到格黎台個位電話佬﹐就係成個係香港賣電話既SALES咁既款架啦。點樣﹖咁。。。樣囉。個樣係有少少唔知拒係醒目定係古惑個隻﹐總知係唔老實啦。髮型係類似鏈人個隻格式﹐短短地﹐落左野立下﹐係前面蕉起少少。帶幼FRAME眼鏡﹐煙士牙﹐BROMINE啦當然﹐講好多野﹐係大量個隻﹐成日講下D數呀﹐PLAN呀﹐好似好識計數咁﹐可能真係好識計﹐唔知。收左工或者係D客背後大量粗口﹐你離遠都會見到拒個嘴尖尖﹐煲住MIN講粗口。二十零三十歲既。我當年見過太多呢D人啦﹐好彩我唔係﹐重維持緊十五歲個樣。
阿花
沉日竟然有人係費城GOOGLE SEARCH FAWUDEEB﹐第一位去左番細CARE道﹐我排第二﹐阿花自己排第4﹐5。唔知邊個呢﹐十甲定係拒老豆阿媽AMERICAN RED EAGLE呢﹐定係拒自己呢唔知。
人肉廣告
大陸﹐香港﹐美國都見過﹐混條友拿住個牌買廣告﹐沉日係條70又見到﹐講真﹐我睇到個心好唔舒服﹐無論個條友係好願意定好唔願意咁做﹐日晒雨淋﹐拋頭露面﹐大人大姐﹐我做老細一定唔會囉D人教飛。PS條70越黎越乞我憎﹐咩時間都室車。
例行巡邏
今晚出強人街作我既例行巡邏﹐無乜大發現﹐無乜罪惡發生﹐不過就好難混位泊車﹐同埋係行去混EKIDS 個ALAN買報紙既時候見到雲尼沙既背影﹐拒當然見唔到我。今晚去到銀泉比較特別既係﹐我無叫到我平時食開既A餐﹐因為驚仇家係缸龍蝦落毒﹐最後我地要左一個散餐﹐因為BC餐既菜式唔係咁岩胃口﹐叫左一磅蝦﹐(大家有買開海鮮既朋友﹐一定知道近呢幾個月D海蝦係來貨好少﹐有都好貴﹐試過最平既時候八蚊已經有磅﹐而家十八。)蝦一上台衰然係細少少﹐但係真係好甜﹐狗遺了既味道。之後黎多個魚片粥﹐粥裡頭加左草菰﹐菜頭(唔係我)﹐但係真係好味﹐好過之前係煲煲好食既一次好多倍。蒜容介籣﹐我既至愛﹐我通常叫拒酒爆介籣﹐因為好大浸酒味﹐香到爆。之後係蒸蠔﹐同埋蒸側魚﹐銀泉慧柵姐﹐無呃你喎﹐係惦架喎D餸。我阿媽今晚見到銀泉麥西個朋友馮粹煩竟然同拒講廣東話話要三個白飯﹐好彩拒又識聽喎﹐比拒笑死。
溺者
何謂溺者﹐唔識游水就黎浸死個D就叫溺者﹐我做過﹐唔係唔識游水﹐係因為幫人考拯溺﹐老豆朋友問我識唔識游水﹐我話識﹐一拍即合﹐去到灣仔泳池﹐野都唔使講開始﹐訓落D水度﹐比UNCLE拉下拉下﹐偶然飲幾啖水﹐拉上黎之後﹐比拒禁兩野扮急救﹐嘩入夜啦﹐凍到我丫﹐得條褲仔係個身﹐個感覺真係慘﹐犯左我三大規條其中一大﹐怕凍。
之前去玩浪﹐終於買左件滑水衫﹐正﹐唔再怕凍﹐誠意推介。 圖中係無邊界泳池﹐係裡面游好似同海面成一直線﹐一定好FEEL又安全﹐未試過﹐想試下。女性朋友一定唔岩玩﹐怕晒﹐怕黑﹐怕鳥班。咁點解我又鐘意游水呢﹖ 我唔係自閉鐘意喱屋嘆冷氣架咩﹐哦﹐我精神分烈家嗎。
世界唔同了
不能講話人情紙禁薄﹐各家自掃門前雪﹐大佬﹐而家有幾多工一個禮拜出黎講下野就有錢收呢﹐世界唔同左囉﹐而家搞得惦自己﹐唔使人幫﹐唔使煩人﹐已經係一種福氣﹐要感恩。
430穿梭機
做第一集既時候﹐我同爸爸去左拒朋友係美孚既屋企﹐拒太太係印尼人﹐岩岩係度炸緊蝦片﹐我一路食﹐一路睇430穿梭機第一集﹐時為1982年度。
越南牛肉窩河
近排工作忙碌﹐食就定時﹐同阿松哥成日去食越南野﹐唔係火車頭又唔係否38﹐係一間叫做否霞既越南竇﹐試左幾次﹐今晚終於比我試到一豌幾岩心水既河粉﹐天時暑熱﹐食番豌有強既野就最梭乎﹐其實幾時都係﹐以前係香港食越南牛肉窩河邊有美國食得咁專架﹐生牛肉河咪生牛河囉﹐點會又生肉熟腩粉又生腩熟肉牛柏葉肥牛加筋架﹐個名長到喊﹐搞到下下要用數字由101-190﹐百九幾種粉咁多。今晚我食左個21係熟肉牛丸河﹐湯底清﹐夠味兼夠味精添﹐加左成渣唔知係咩葉既葉﹐大量牙菜﹐牛肉薄﹐牛丸香﹐有胡椒味﹐河粉幼﹐呢樣最鐘意﹐好怕粗粉。食左一次之後﹐松哥成日話要去﹐好似上左癮咁﹐另我諗番起係泰國個導遊係媚南河邊D船仔粉﹐話說個D粉既湯裡面係落左D大麻葉﹐所以食得多會上癮咁話喎﹐笑鬼死我。當時見到個導遊食得津津有味﹐重話D湯係用媚南河D水整既﹐嘩﹐大佬﹐條河重濁過D乜﹐D細路係到沖涼﹐嚇死我咩。
大丸
成日掛住大丸﹐講緊既唔係高級既大牛丸﹐而係係銅鑼灣既大丸百貨公司﹐無架啦﹐執左﹐因為次次去親都係禮拜日﹐個感覺好好﹐好假日FEEL﹐好輕鬆﹐一D壓力都無﹐行得好自在﹐記得拒分開一二期﹐一期即係前面有條大樓梯個度﹐我就鐘意D﹐因為係男裝部﹐體肉部同埋玩具部﹐二期係賣家庭用品既﹐所以我麻麻。而家大個左可能鐘意D。後期D既時候拒二樓重整左個青少年部﹐專賣D年青人名牌﹐最記得係最前面既JEAN PAUL GAUTIER﹐個時個個中學生都拿住個藍色JUNIOR袋﹐可以側咩又可以當背囊﹐係身分既象徵﹐公價HKD650﹐唔多唔少﹐個個叫老豆阿媽買﹐我無呀﹐我另類家嗎。最後當然唔可以唔題拒既日式美食廣場啦﹐當時黎講唔係咁普及架﹐拒算係好新潮有日本野食﹐嘩﹐日本野喎﹐個時淨係識水車屋之嗎﹐邊會去架﹐但係拒就有一個廉價既選擇比大家﹐可以試下咩叫拉麵﹐整個櫃擺晒D假食物係到揀下揀下﹐衰然稔番起﹐其實拒D麵都幾港式下﹐D豌重好鬼舊﹐用到黑晒添﹐但係禮拜日係到食下野﹐望下出面維園﹐對於我黎講真係好浪慢同唔錯架。
感動的演唱會
歌星出碟混唔到食﹐唯有靠開演唱會﹐紅館蘇一個接一個。有老有嫩。以前四大有理無理﹐格兩年就一次﹐而家當然無呢隻歌仔唱。睇碟睇到幾個狗遺了的朋友﹐思覺失調既陳奕迅﹐勝文老友關淑怡﹐我既老友草龍(蜢)既CONCERT。呢幾場都係撇開台灣CONCERT﹐我應為最好睇既幾場CONCERT﹐無論係揀歌﹐歌手表現同現場氣氛﹐見到拒地幾位真係好用心咁去做拒地既CONCERT﹐撐拒地既歌迷個個都大個仔﹐女啦﹐好似我咁上下年紀﹐有經濟能力去繼續混番我地當年既野﹐因為個個都重好懷念以前既事﹐因為當時係最好最光輝既年代。你睇阿細(蘇威)係個CONCERT既表現就會知咩係博﹐對住牛小慧唱永遠愛著你更加係感動加感動。想當年我都同快必﹐快必家姐同坤達去睇關淑怡﹐計番已經係十一年前既事﹐時間真係過得快。估都估唔到拒第二次CONCERT要等到今年﹐如果拒同憶蓮比﹐我就BUY拒D歌多D啦。其實拒兩個D歌路都差唔多。其實拒唱LIVE都同以前一樣係唔多夠氣既﹐加上拒都唔再係十八廿二﹐更加係一子之母﹐同情分一定有加落去﹐但係拒既FANS真係撐到底﹐大家都睇到拒已經係盡左力﹐我都睇到﹐所以一班FANS搞喊拒亦係好正常。黎狗﹐左倫右我﹐TWINS﹐慧琳既CONCERT係黜對做唔到呢種氣氛既﹐所以我誠意推介呢三個CONCERT。PS﹐SOFTHARD點解又禁受歡迎﹐好大程度大家都係係到混野。
暑期
我既暑期重淨番兩個半禮拜就玩完﹐繼續番學﹐繼續正常﹐即係表示我個台就黎一周年啦。
犬隻訓練員
前兩日媽媽同我舊事重題﹐講起我細個3﹐4歲既時候﹐係街頭見到兩隻唐(強)狗打交﹐我竟然走埋去拉住其中一隻黑狗既尾﹐叫拒地唔好打﹐嚇到我媽媽死。我就唔記得呢件事啦當然﹐不過覺得自己對動物都幾有愛心﹐後來有一次係泰國﹐見到個拉象既人拿個鐵勾打隻象﹐因為隻象唔行﹐我又覺得隻象好慘﹐當時媽媽同我講話隻象D皮好厚架﹐所以要用鐵勾囉﹐黎安慰我﹐真係用心良苦啦。
沖涼唱歌
點解沖涼唱歌特別響同埋舒服呢﹐有根據架喎。響就一定啦咁細地方﹐咁點解會舒服又輕鬆呢﹖AM1540無聲無息少左半個鐘﹐得番6-8﹐好似話D西人要收工喎﹐真係慘﹐得番我同阿DEEP全家﹐堅強三條友支持﹐我驚哎唔住呀。
兄弟可會撐到底
我是獨生子﹐無真正兄弟﹐無真正姊妹﹐但係有兩個認番黎既﹐感情都好好﹐另一方面﹐表既﹐堂既﹐強既都有大量。重多數做大添﹐無乜著數﹐聖誕要買大量禮物﹐無人射住我﹐只有我射人﹐慣左都OK。細個都想有人陪玩﹐但係而家慣左又好似一個人好D﹐松哥﹐阿媽錫晒我﹐無人同我爭野玩﹐所有物質都歸我物質學家﹐幾好。
有時係度諗﹐如果有個兄弟或者姊妹﹐會係點架呢﹐我講緊個樣﹐會好似我丫﹐抑或完全唔似﹐如果係兄弟既﹐兩個李J恩﹐咁另外一個有無咁搞笑呢﹐抑或好正經呢﹐讀書好醒﹐咁松哥﹐阿媽錫晒拒﹐我就好大鑊喇。衰過我亦都唔好得去邊﹐因為我要接濟拒。如果係女既﹐又驚生得唔靚﹐最好叫李嘉欣啦﹐咁應該唔會衰得去邊﹐不過可能好粗魯下。我做大佬或者細佬又膽心家姐或妹識埋D壞男人﹐識到大劉就唔同啦﹐當然。哈哈。結論﹕都係阿媽有遠見﹐得我一粒仔。
識野代言人
聽阿媽老豆講呢套係少有無爛尾既無線劇﹐我未得閒睇添﹐汪MING村真係好野呀﹐今個禮拜又會去買D新野﹐因為D QUALITY好好呀﹐好清﹐重有字幕﹐咁我食晚飯既時候就唔使哎24﹐呢D講黎講去唔開槍既悶戲啦。
拆禮物既後果
每次見到UPS D車都好開心﹐因為代表有禮物送黎﹐一盒盒﹐裡面係自己鐘意既野﹐拆拆下﹐ARMANI EXCHANGE 個包裝又幾靚喎。D電油那麼貴﹐我又無時間﹐送黎最好啦。
蓋瀾的雪櫃
菜瀾的雪櫃又黎啦﹐天時暑熱﹐酸辣湯﹐果汁﹐啫哩(果凍)﹐可樂緊唔少得啦。
大雄
大家知唔知係無線配大雄﹐配音個個女士死左呀﹐真係慘。我都無乜卡通岩既﹐丁當我就岩啦﹐以前狗唔狗如果個配音員病左﹐會由第二個頂上﹐你一聽就知﹐感覺好唔同﹐唔慣﹐以家死埋添﹐變成黜響。拒既遺作係今個月香港上既丁當電影。配音好緊要架﹐你記唔記得古惑第一集伊健把聲幾恐佈呀。
MP5A4
就係呢把野啦﹐夠晒重身﹐好玩﹐支電筒重好光添。 格黎成踏周刊重未搞惦。
